Tags

, ,

photo copy

Dahil malapit na ulit na matapos ang taon, o kung hindi man ang gunaw na sinasabing magaganap sa 21 December, naisip kong mag post bago man lang matapos ang lahat, sayang din kasi ang binayad ko sa domain kung hindi ito magkakalaman hahaha.

Oe ano ba naman kasi ang bago sa akin, maliban sa nalagasan ako ng 2 pounds sa timbang matapos ang puspusang diet ng isang buwan. Ganito yata talaga ang buhay ng mga OFW, kung hindi ka mamumurit eh tataba ka naman ng walang puknat kaya nag isip ako ulit ng pwedeng pagkaabalahan. Naisip ko na keysa pumasok ako sa bisyo tulad ng pambabae, bakit hindi ko na lang ituloy ang pangongolekta ko ng pabango na dati ko ng hobby, besides kuntento na ako na si “M” na lang ang tanging bisyo sa buhay OFW ko (insert ang mala haliparot na hagikgik dito). Papayat ka sa hobby na ito dahil magastos siya talaga wahahaha.

Dati na akong mahilig sa pabango (tulad ng chinorva ko sa itaas), natatandaan ko na madalas akong pumupuslit sa kuwarto ng mga ate ko para mag spray ng mga pabango nila bago ako pumasok sa school, ginawa ko iyan hanggang college ng hindi nila nahalata lels. Nung nag migrate sila sa Amerika, madalas nila akong binibilhan ng Jovan, Charlie, at Ax (ang baduy ang taste ng mga ate ko sa pabango, walang ka klasklas!) wahahahaha juke lang!

Nag umpisa akong mag seryoso sa pangongolekta nuong bago pa lang ako dito sa disyerto, at itinuloy ko ulit nuong January 2012 dahil naimpluwensiyahan ako ng isa kong opismeyt, bumili ako ng mga piling designer’s perfumes na nagustuhan ko dahil nagkaroon na ako ng mga ito dati, nakatulong din ng malaki sa akin ang mga review na nababasa ko sa fragrantica at basenotes. Sa nasabing websites na yan ko nalaman na mayroon palang dalawang kategorya ang mga pabango, yung tinatawag nilang designer at yung niche perfumes; yung designer perfume ay yung mga pabango na ginagawa ng mga kilalang fashion houses like Chanel, Gucci, Hermes, YSL, D&G, Jean Paul Gaultier, Azzaro, Christian Dior, Ballenciaga, Prada, Narciso Rodriguez, Bench, kasama rin sa kategorya na ito yung kay Manny Pacquiao na Scent of the Champion (gawd nagulat ako at na excite nung malaman ko na may perfume house pala si Manny, let me guess, tuna extract ang main accord ng pabango na ito hahaha) syempre juke lang yun kasi fan ako ni Manny P.

Scent of the Champion

Scent of the Champion



Yung niche perfumes naman ay yung mga ginagawa ng mga perfume houses tulad ng Creed, Annick Goutal, Kilian, Frederick Malle, Amouage, Diptyque, Serge Lutens, Swiss Arabian, Andy Tauer, Montale, Penhalligons, L’Artisan, Bond No. 9, etc.

Sampu sa mga designer’s at Niche perfumes na mayroon ako at masasabi kong paborito ko na ay ang mga sumusunod:-

Designer’s Perfumes

Narciso Rodriguez for HIM and HER
Artisan Black – John Varvatos
A*men – Thierry Mugler
Un Jardin Sur Le Nil – Hermes
Declaration Essence and D’Un Soir – Cartier
L’Instant de Guerlain pour Homme Eau Extreme – Guerlain
Encre Noire – Lalique
Dior Homme Intense – Christian Dior
Le Male – Jean Paul Gaultier
Egoiste Platinum – Chanel

Niche Perfumes

Green Irish Tweed – Creed
Silver Mountain Water – Creed
Original Santal – Creed
Jubilation XXV – Amouage
Sables – Annick Goutal
34 Boulevart Saint Germain – Diptyque
Duelle – Diptyque
L’Ombre Dans L’Eau – Diptyque
Chergui – Serge Lutens
Lady Vengeance – Juliette Has A Gun
Costume National for HIM – CoSTUME NATIONAL

Sa pangongolekta ko nalaman ang tamang pagpili ng pabango ayon sa klima kung saan ka naka base, halimbawa, sa mga tropical countries tulad ng Pilipins, ang pabango na angkop sa atin ay yung mga fresh o aquatic ang peg tulad ng Herrera Aqua, Cartier Declaration Essence, D&G Light Blue, Acqua di Gio, Higher by Dior, Creed GIT, Aventus, SWM, at Guerlain Vetiver para sa mga lalake.

Bahala na kayong mga babae mag research ng pabango na aayon sa inyo dahil hahaba na itong post ko na ito, sige try ninyo na lang ang Aqua Allegoria line ng Guerlain Wahahaha

Nalaman ko rin na mas tumatagal pala ang mga pabango sa balat ng mga asyano kumpara sa mga caucasians, sinasabi ng mga expert na may kinalaman daw ang pagiging oily ng ating balat kaya tumatagal ang pabango, taliwas ito sa una kong naisip na libag ang salarin lels.

Sa mga susunod kong mga post iisa-isahin ang mga review na nakalap ko sa mga pabango na nabanggit ko sa itaas pati na rin sa mga pabango na hindi ko naisama sa listahan, pati na rin ang mga tips sa tamang application ng mga pabango. Hindi ko alam kung may sense ba itong post na ito pero bahala na hahaha

Ciao!

Advertisements