Sa araw-araw na pakikipagbalyahan natin sa buhay, marami pa rin pala tayong hindi alam tungkol sa ating mga sarili, maging sa mga taong nakakasalamuha natin sa araw-araw:

  • Kumain ako kamakailan ng panis na mashed potato. Hindi sumakit ang tiyan ko. Subukan ko kaya minsan na inumin ng walang paalam ang pinabubulok na grape juice ng kasambahay ko na nakatago sa ilalim ng aming banggerahan. Meh magwawala kaya?  Malamang katawan ko ang sumakit hindi tiyan hehehe
  • Hindi lang pala pang kili-kili ang deodorant. Marami pa itong kapani-pakinabang na gamit dito sa disyerto kung saan ang pagkakaroon ng rashes sa singit ay isang nang pambansang isyu lalo na kapag summer. Magpahid lamang daw nito sa magkabilang singit pagkatapos maligo bago maglaro ng basketball at ikaw na ang protektado sa pagpapawis ng singit mo. “It really won’t let you down”, ayon kay Jay. Hindi ko pa ito nasusubukan at wala akong balak subukan 🙂
  • Madalas kong pinupuna ang pagiging maputi at makinis ng isa kong machong opismeyt. Nahuli ko siya minsan sa drugstore na bumibili ng Fair and Lovely Night Cream na ayon sa kanya ay para sa esmi niyang nasa Pinas. Ang siste hindi ko naman siya tinatanong. Meron lang talagang madamot mag share ng kanilang mga beauty secrets.
  • Marami pala akong kakilala na bumalik sa pananampalataya dahil sa anunsyo na magugunaw na ang mundo. Ei hindi natuloy. Edi balik silang lahat ngayon sa dating gawi.  Ako? ok lang, “cease the moment”  ang motto ko sa buhay lalo pa’t  hindi ko naman mapipigilan kung bubuka ang lupa na tinutuntungan ko at ngatain ako na parang chichirya lang.  Kung game over na at wala namang option to extend, edi Game Over!
  • May nagtanong sa akin kamakailan kung paano daw ba reremedyuhan ang nag iinit na katawan. Nag init ang ulo ko at sinabihan siyang maligo araw-araw. Naisip kong walang masama sa tanong niya dahil mainit naman talaga ang panahon dito sa disyerto ngayon. Likas na yata sa akin talaga ang pagiging engot sa pag intindi sa mga tanong-slash-pahiwatig (ako na ang assuming) Lolz.

Enjoy the weekend my fellow desert dwellers!

Advertisements